Fèrkout

Kiko esaki ta?

Fèrkout ta un inflamashon di slijmvlis nan den bo nanishi/ kanal di garganta. Pero por sosode ku e slijmvlis nan den e kanal di bo kakunbein tambe por inflama keho nan ku bo por tin ora ku bo ta fèrkout ta, nanishi sera, nistermentu, tosamentu, dolor di garganta, stèm heis y dolor di kabes. Muchanan por haña keintura tambe, pero hende mas grandi no sa sinti esaki kasi mes. Mayoria biaha fèrkout sa bai despues di unu pa tres siman di su mes. Pero serka mucha esaki por dura un tiki mas largu.

Dor di kiko e ta bini?

Fèrkout ta wordu okashona pa un virus E virus di fèrkout aki ta ekspande su mes fasilmente den area nan kaminda hende ta sinta mas tantu huntu y kaminda tin menos ventilashon. Ehempel di esaki ta den un bus, na skol òf na krèsh nan por sosode ku tin un gran kantidat di e kontaminashon di e vires aki den airu.

E por hasi daño?

Fèrkout no por hasi danjo. Muchanan ku tin fèrkout por sali libremente na airu liber.

Kiko bo mes por hasi?

Bo por purba evita e kontagiamentu aki. Tene bo man òf un duki dilanti di bo boka si bo ta bai nister òf tosa, y laba bo man regularmente. Soru pa airu fresku den bo kas. Si bo ta fèrkout, e slijmvlis den bo nanishi y garganta ta irita. Dor di huma sigaria e iritashon aki por bira pihor. Bo por sinti bo nanishi sera y ta duna bo gana di tira un tiki drupel den dje. Pone un glas di awa lou y tira un telep di salu aden.Drup esaki kuater te ku seis biaha pa dia den bo nanishi si mester. Bo por haña esaki kla kaba na botika ku bo por kumpra.

Eventualmente bo por kumpra tambe un kos di tira de nanishi òf un spray pa nanishi na botika. Esaki ta yuda hasi e slijmvlis nan mas fini, di kual bo por kuminsa hala rosea un tiki mas mihor. Bo por uza e spray òf e drupel aki tres bes pa dia maksimo un siman largu. No ta eksisti niun tipo di remedi kontra fèrkout, antibiotika tampoko no ta yuda.

K’i ora bo ta bai dòkter?

Tuma kontakto ku bo dòkter:

• Ora ku bo ta fèrkout y bo tin keintura pa mas ku tres dia ( mas ku 38°C ).

• Ora ku bo ta sinti bo sofoká y bo rosea ta fluit.

• Ora ku e baby tin fèrkout y e no ta bebe manera mester ta.

• Si bo baby ku tin fèrkout su kurpa ta debil.

Si bo ta mira otro aparishon nan di kual ta pone bo bira intrankil, papia esaki ku bo dòkter.